الرئيسية / الخروجات والفسح / Diving سبع اسباب رئيسية يخلوك تتعلم

Diving سبع اسباب رئيسية يخلوك تتعلم


اولا : سيلفي الدايفنج

تاخد سيلفي ال Diving …صدقني هتفرق معاك كتير اوي علي الفيسبوك وانستجرام وانت ضارب  صورة تحت المية بالكاميرا الجو برو او بالسوني اكسبيريا اللي تقريبا ملوش ميزة غير انه بيصور تحت المية

ثانيا : هتقدر تلاقي كنزك اسرع من الاشرار

افتكر عادل امام.قعد يدرب يسرا اد ايه…تخيل لو يسرا كانت خدت course diving قبل كده.. كانت راحت جابت الكنز لوحدها ومحدش  عرف بالموضوع من العصابة وريحت دماغها ودماغنا من الاكشن الضيق اللي في الفيلم ووفرت ميزانية الانتاج عشان فيلم  اهم زي شمس الزناتي

ثالثا

تنزل مكان زميلك  الجبان في العملية الفدائية

يعني بذمتك علاء مرسي مش كان ينزل مكان نبيل الحلفاوي احسن..يمكن حد في التيم يجيلوا Panic attack وفي الاخر يقعد يقول عملوها الوحوش يا رتني كنت معاهم..يارتني كنت معاهم…يارتني كنت معاهم

رابعا : تحطها في ال CV
تخيل كده لما تحط تحت خانة ال skills  ال diving حاجة جامدة جدا هتعليك اوي في السوق وهتخلي الشركات تجري وراك وتطلبك  بالاسم طبعا

خامسا :  لانك هتشوف مناظر خرافية
مش هزود عن كده عشان مقص الرقابة

سادسا : لانك ممكن تتجوز ليلي علوي

مش يمكن تبقي مدرب غطس وتلاقي نفسك في الاخر اتجوزت ليلي علوي بعد ما يموت عادل ادهم هو والاشرار….انت اكيد ان شاء الله  مش هتوصل لمرحلة سمير صبري..بس  اهو لو ملحقتش ليلي اهو تلطش في يسرا ( راجع رقم اتنين)

سابعا : عشان تحسن مستوي اللغة

لان اكيد انت مش هتنزل مع جروب كله مصريين وهتلاقي اجانب وهتبقي فرصة تحسن مستوي اللغة بتاعك عن طريق ممارستها مع احد الشعوب الصديقة وتعميق العلاقات معهم

 

Comments

comments

عن SupeRagel

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إشترك معانا يوصلك كل خبر جديد