الرئيسية / BuzzRamet / ستة حقائق عن “شات” الرجالة

ستة حقائق عن “شات” الرجالة

الشات بقى شيء أساسي ويومي في حياتنا، لازم كل يوم أول ما نصحى نُبص على الشات، نشوف مين كلمنا، ونرد على المقربين، ودايمًا محط اهتمامنا لأنها بقى بديل عن المكالمات والرسايل وحاجات كتير، لكن تعامل الراجل بيختلف تمامًا عن تعامل الستات مع الشات، هو له طريقته الخاصة وطقوسه في الردود والاهتمام بالموضوع، تعالوا نتعرف على الطريقة دي.

  1. الإيموشن

طبعًا عند البنات هتلاقي بين الكلمة والكلمة إيموشن قلوب وخدود مكسوفة، يعني ممكن الشات كله يصفصف على سطرين تلاتة والباقي كله ايموشانات.. لكن الراجل هتلاقيه مفيش الكلام دا، راجل ملو هدومه كدا، أخره ايموشن الابتسامة أو الضحكة، وأخره مع البنات يعمل قلوب بس على خفيف.

  1. الكلام على القد

مش هتلاقي رغي كتير وحكايات وقصص، هيدخل يكلمك يقول اللي فيه النصيب والملخص المفيد وينجز ويخلع، ملوش في اللت والعجن واللازي منه والحاجات دي.

  1. مفيش مجاملات

طبعًا فيه مجاملات بس بسيطة، أخره يا حُبي، يا زميلي، يا شقيق، بس بالنسبة للبنات مش هتلاقيه أوفر وبيقول مليون مجاملة في الكلام ويا روحي ويا حتة مني وانتي حياتي.

  1. مش قاعد على الشات

ممكن تكلمه يرد بعدها بوقت طويل، بعدها بكام يوم، مش هتلاقيه قاعد لازق في الشات، ولو مفيش حاجة مهمة بينكم مش هتلاقيه مهتم يرد أوي.

  1. معندوش أزر

مش بيهتم يُبص في الأزر، ولو دخل في الأغلب مش بيلاقي حد يقوله أي حاجة، كلها رسايل من بنات أجانب وبس، أو شخص بيحاول يوصله ومش عارف، لكن مش هيلاقي رسايل ياما كلها محاولة للتعرف أو معاكسة والحاجات اللي مالية شات البنات.

  1. بيحفظ معلومات

أي حاجة عايز يحتفظ بيها تلاقيه داخل على أي شات من صحابه ورامي المعلومة أو الصورة اللي عايز يبص عليها بعدين.

Comments

comments

عن SupeRagel

شاهد أيضاً

شغل

شغل – قواعد النجاح في أي شغل تروحه – اسمع مني

النجاح بأيد ربنا دا شيء مؤكد، والموهبة بتفرق معاك، لكن طبعًا المجهود والـ شغل والتعب …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *