الرئيسية / الصحة واللياقة / 5 أمراض تنتقل من خلال ممارسة الجنس
ممارسة الجنس

5 أمراض تنتقل من خلال ممارسة الجنس

ممارسة الجنس من أكتر المتع الغريزية المحببة عند الإنسان، لكن كل حاجة ليها محاسن و مساويء

زي ما ممارسة الجنس بتولد متعة للطرفين ممكن تتسبب في نقل أمراض من خلالها زي الأمراض الجاية:

1- الإيدز

الإيدز من أخطر الأمراض اللي ممكن تصيب الإنسان والعدوى بيه بتنتقل من خلال الجنس و بيؤدي لتدمير الجهاز المناعي لإنه عبارة عن ضعف مناعة مكتسب و أوقات كتير مش بيتم التعرف عليه لإن أعراضه مش بتظهر بسهولة و بيتم التعرف عليه من خلال فحص الدم.

2- الكلاميديا

الكلاميديا من أكتر الأمراض الجنسية المنتشرة و بيصيب السيدات و الرجال و هو من الأمراض اللي مش بتستمر لمدة أسبوعين على الأكتر لكن العلاج منه بيتم عن طريق أخد الطرفين للعلاج و المضاد الحيوي حتى لو كان طرف واحد بس هو المصاب

و في فترة العلاج لازم الامتناع عن الاتصال الجنسي و أخد الاحتياطات لإن لو ماتمش علاجه بيؤدي لمضاعفات في الرحم عند السيدات و البروستاتا عند الرجال.

5 حاجات ابعد عنهم بعد ممارسة الجنس للحصول على أفضل النتائج

3- الزهري

المرض ده خطره بيكمن في إنه بينتشر في الجسم كله مش بس الأعضاء التناسلية و أعراضه بتكون ظهور قرح غير مؤلمة في الأعضاء التناسلية، المرض ده ممكن يستمر لسنوات و أكتر علاج فعال ليه هو البنسيلين و ليه 3 مراحل و كل مرحلة ليها طريقة علاجها

و بمجرد ما يتم معرفة المرض لازم يتم فحص أفراد العائلة كلها حتى الأطفال للوقاية منه و معرفة إذا اتنقلت ليهم عدوى أو لا.

4- فيروس الكبد الوبائي B

فيروس B من الفيروسات اللي ممكن تنتقل عبر الاتصال الجنسي في ظروف معينة لكنه مش الوسيلة الأساسية لنقل الفيروس لإنه بينتقل من خلال الدم أو اللعاب أو الإفرازات التانية، و المرض ليه 3 مراحل بتتنوع من الأبسط للأكتر تطورا.

5- الهربس التناسلي

هو فيروس سريع الانتقال بيتم نقله عن طريق الجنس و زي باقي الأمراض التناسلية أعراضه مش بتظهر في الاول و لو ظهرت بتكون على هيئة نتوءات صغيرة و في الأغلب بتختفي النتوءات في خلال أسبوعين أو 3 على الأكتر لكن الفيروس نفسه بيفضل في الجسم و ممكن يستمر لمدة سنوات طويلة و بيختفي و يظهر من وقت لتاني.

Comments

comments

عن Nermein Qenawy

شاهد أيضاً

مرض

 احذر .. مرض عقلي يتسبب في القتل بعد مدة قصيرة

يعتبر مرض الخرف من أكثر المشاكل الصحية صعوبة. سبب المرض هو عدة أمراض تمس بالدماغ …