الرئيسية / الخروجات والفسح / 5 أماكن أساسي تلاقي قعدة الرجالة فيهم
قعدة الرجالة

5 أماكن أساسي تلاقي قعدة الرجالة فيهم

قعدة الرجالة أساسية في حياة أي راجل و غالبا بيكون ليها يوم خاص أو أكتر من يوم في الأسبوع
و الأماكن اللي بيكون فيها القعدة دي مش كتيرة هما 5 مش هيخرج منهم مكان:

1- القهوة

قعدة الرجالة

قعدة القهوة حاجة مقدسة في حياة أي راجل مش عشان مفيش أحلى منها بس عشان هي أكتر مكان تقعد فيه و إنت مرتاح و ماتدفعش فلوس كتير و كمان ممكن تحاسب عالنوتة و تقعد فيها الوقت اللي إنت عايزه، يعني ممكن تدفع 20 جنيه تشبرق نفسك بيهم و كمان مش هتلاقي صبي القهوة يمشيك و يقولك هنقفل زي أي كافيه بالعكس هتلاقي صبي القهوة عشرة معاك أكتر من أبوك.. إنت بتروح تشرب و تلعب طاولة و شطرنج و دومينو و استميشن ممكن تطلب أكل كمان و تاكله و كل ده على القهوة.

2- لعب الكورة

قعدة الرجالة
في كل شلة صحاب هتلاقي في يوم مخصص للعب الكورة، بتحجزوا ملعب و تقسموا الفلوس و تلعبوا أو بمعنى تاني تتخانقوا لإن لعب الكورة بيكون حاجة من الاتنين يا تتخانق مع الفريق اللي قدامكوا يا تتخانق مع صحابك في نفس الفريق و بعدها تكملوا لعب عادي و برغم من الخناقات اللي بتحصل كل مرة بتتفقوا الدورة الجاية هتكون إمتى برضو.

3- البلايستيشن

قعدة الرجالة
البلايستيشن في حياة الراجل زي المياه و الأكسجين، بيروح الجامعة يجمع صحابه و يروحوا بلايستيشن، يخلص شغل يعدي على نفس صحابه و يلعبوا بلايستيشن قبل ما كل واحد يروح بيته، قاعد فاضي ينزل يقعد على الجهاز ساعتين.
و طبعا نفس الخناقات اللي بتكون في دورات الكورة بتكون في البلايستيشن برضو و نصيحة لو مالكش في Fifa و PES إوعى تلعب على اللي يشيل عشان هتشيل كتير أوي.

4- وقفة الكشك اللي على أول الشارع

قعدة الرجالة
الشاب بيعامل الكشك اللي في المنطقة على إنه مأوى ليه هو و صحابه.. و الوقفة بتكون برعاية صاروخ البيبسي الأساسي في أي تجمع شباب و الوقفة دي بتتعامل نفس معاملة القهوة بس للشباب أكتر من الرجالة الكبار.

5- الكروزة بالعربية

قعدة الرجالة
في نفس شلة الصحاب أوقات بتلاقي واحد معاه عربية اللي باقي الشلة بتعتبرها بتاعتهم برضو، في أي وقت فاضي بيلفوا و ياخدوا كروز بالعربية و معاهم أكلهم و شربهم و سجايرهم و قضيت على كده.

Comments

comments

عن Nermein Qenawy

شاهد أيضاً

جزر المالديف

لو فرحك في الشتا – قضي شهر العسل في جزر المالديف من غير تأشيرة

مين مابيحلمش يسافر المالديف! انتشرت صور الطبيعة الجميلة لجزر المالديف في السوشال ميديا و ده …