الرئيسية / الخروجات والفسح / لقينالك 10 أماكن غير تقليديين للخروج في القاهرة
القاهرة

لقينالك 10 أماكن غير تقليديين للخروج في القاهرة

كلنا بنزهق من الخروجات التقليدية والكافيهات والقهاوي اللي كل ماننزل مافيش غيرها نروحه، في أماكن كتير ممكن ميكونش عندك فكرة عنها في القاهرة بس انت أكيد محتاج تجربها:

1- أفريقيا سفاري بارك: 

غابة مفتوحة على مساحة 200 فدان، الدخول بيكون بالعربيات، بتكلفة 300 جنيه للعربية، أيًا كان عدد الأفراد، البرنامج يشمل “سفاري، رحلة نهرية بالمراكب، بيت الطيور، بيت الزواحف، الكهف”، والجولة مدتها من ساعتين ونصف لحد 3 ساعات.

مواعيد العمل: من 9 صباحا حتى 6 مساء.

العنوان: كم 65، طريق القاهرة الإسكندرية الصحراوي.

تليفون: 01223600967 – 01001175098

2- ماجيك بلانيت:

في كارفور المعادي بيقدم ألعاب الأطفال والفيديو جيم، أسعار الألعاب تبدأ من 5 جنيه لحد 15 جنيه، كارت الألعاب بـ 5 جنيه، كما يوجد عروض على كروت الألعاب: كارت الـ 50 جنيه له 10 جنيه زيادة، كارت الـ 100 جنيه له 40 جنيه زيادة، كارت الـ 200 جنيه له 100 جنيه زيادة.

مواعيد العمل: من 10 صباحًا حتى 12 صباحًا، ويومين الخميس والجمعة حتى 1 صباحًا.

العنوان: الطريق الدائري، مدينة المعرج، زهراء المعادي، داخل كارفور المعادي.

تليفون: 01000880801 – 0225204000

3- فجنون آرت سكول:

 هتمارس أنشطة وألعاب مختلفة: الرسم على الزجاج، النحت، التلوين، حرب الطين، حرب الألوان، والمكان له 3 فروع:

فجنون آرت المريوطية: كم 12.5، طريق سقارة السياحي، الهرم، سعر الدخول للفرد 40 جنيها شامل كل الأنشطة.

فجنون فلاح: طريق المنصورية، الهرم، سعر الدخول للفرد 30 جنيها شامل كل الأنشطة.

مواعيد العمل بالفرعين: من 9 صباحًا حتى 5 مساءًا للأنشطة، ويمكن البقاء في المكان بعد 5 مساءًا.

فجنون أوايسيس: 1 طريق المطار، مساكن شيراتون، مصر الجديدة.

سعر الدخول للفرد 50 جنيه شامل نشاط واحد فقط، وأي نشاط تاني بمبلغ 35 جنيه.

تليفونات الفروع: 01006818790 – 01224569141 – 01005293822 – 0238151633

4- قرية الأسد:

الدخول للمطعم، أو تاخذ الوجبة وتروح حديقة الحيوان، الملاهي، أو السيرك، وهتلعب كل لعبة بسعرها.

مواعيد العمل: من 7 صباحًا لحد 10 مساءًا.

العنوان: كم 59، طريق القاهرة الإسكندرية الصحراوي.

تليفون: 01004976028

5- آيزون:

ملاهي شبابية بسيتي ستارز، بها ألعاب كالوبلينج والبلياردو وألعاب الفيديو، سعر الدخول 2 جنيه، هتشتري كارت ألعاب بـ10 جنيه، وشحنه حسب الألعاب اللي عايز تلعبها، سعر الألعاب من 7 جنيه لحد 30 جنيه.

مواعيد العمل: من 11:30 صباحًا حتى 11 مساءًا، ويومين الخميس والجمعة لحد 12 مساءًا.

العنوان: شارع عمر بن الخطاب، الدور 5، داخل ستارز سنتر، مدينة نصر.

تليفون: 0224802363 -01119066006

6- فاميلي لاند:

هتلعب بالعربيات المتصادمة، فيديو جيم، ترامبولين، الطائرة، والدخول مجانًا، وسعر الألعاب بيبدأ من 5 جنيه لحد 20 جنيه.

مواعيد العمل: من 11 صباحًا لحد 12 مساءًا.

العنوان: 11 أبراج عثمان، المعادي.

تليفون: 0225247689 – 0225243300

7- ماجيك جالاكسي:

الدور الرابع والخامس في سيتي ستارز، هتلاقي ألعاب بولينج وبلياردو وفيديو جيم وغيرها، سعر الدخول للفرد 3 جنيه، هتشتري كارت الألعاب صالح لمدة سنه بـ 10 جنيه، وتشحنه بأي مبلغ عشان تلعب اللعبة المفضلة ليك، سعر الألعاب من 5 جنيه لحد 15 جنيه.

مواعيد العمل: من 1 ظهرًا لحد 11 مساءًا.

العنوان: شارع عمر بن الخطاب، سيتي ستارز، مدينة نصر.

تليفون: 0224802032 – 0224802031

 8- أدرينالين بارك:

هتلعب ألعاب المعارك مع أصدقاء في مجموعات لا تقل عن 8 أفراد، والسن مايقلش فيها عن 10 سنين، لازم تتصل عشان تحجز لتحديد اليوم والساعة ومتوسط عدد المجموعة، سعر الفرد 150 جنيه شامل “الزي، المسدس، الطلقات”، عدد الطلقات 100 طلقة، واللعب يكون في 3 ملاعب، والفرد بيستمر في اللعب لحد ما تنتهي الطلقات الخاصة به.

مواعيد العمل: من 12 مساءًا لحد 7 مساءًا.

العنوان: ميدان جهينة، الحزام الأخضر، حوض 3، خلف مدينة بيفرلي هيلز، بوابة 1، السادس من أكتوبر.

تليفون: 01225001008 – 01110014177

9- كي أكشن سبورتس:

المكان بيقدم محاكاة لمعركة أو حرب بين الأصدقاء، بيتم استلام الزي الخاص، المسدس، الطلقات، أسعارها “100 طلقة: 120 جنيه، 150 طلقة: 160 جنيه، 200 طلقة: 200 جنيه”، وفي 3 سيناريوهات للعب بيتم اختيار واحد منها.

مواعيد العمل: من 2 ظهرًا لحد 11 مساءًا.

العنوان: داخل نادي الرحاب الرياضي، بوابة رقم 5، مدينة الرحاب.

تليفون: 01113072722

10- فن زووم:

في نادي الشمس وعلى مساحة 300 متر، بيقدم فن زووم ألعاب الأطفال وألعاب مائية ممتعة، وسعر الفرد 20 جنيه،

مواعيد العمل من 9 صباحًا لحد 12 صباحًا.

العنوان: داخل نادي الشمس، مدينة نصر.

تليفون: 01008559765 – 01064999135

Comments

comments

عن Amal Afifi

شاهد أيضاً

قهاوي وسط البلد

أشهر قهاوي وسط البلد تقضي فيها يوم الخميس مع الرجالة

قعدة القهوة أساسية في حياة أي راجل، معاك فلوس بتروح و لو مش معاك فلوس …