الرئيسية / هتجوز / نصائح مهمة لتشطيب شقة الزواج

نصائح مهمة لتشطيب شقة الزواج

أي حد بياخد خطوة الجواز، وربنا يكرمه ويجيب شقة، بيبقى عنده مارثون كبير وهو تشطيب الشقة وتجهيزها للجواز.. فيه نصايح كتيرة عن الموضوع إنها هنلخصهالك ونقولك على الزتونة.

  • الكهرباء

لازم تظبط الكهرباء بتاعت البيت، بتختار مكان الإضاءة في كل أوضة، وإيه الفيش اللي انت محتاجها عشان الكهربائي يخلصهالك.. وجيب الحاجات اللي هتحتاجها بنفسك متسبهاش للكهربائي.

  • المحارة

الحاجات بتحاسب عليها بالمتر، بيبقى فيه سعر ثابت بين الصنايعية، بيزيد بحسب جودة الصنايعي، اسأل على واحد ابن حلال كدا، وخليك على ايده برده عشان دي من الخطوات اللي بتأخد وقت.

-3السباكة

بتجيب سباك برنس في نفسه كدا، يشيك الأول على السباكة لو الشقة جاهزة، ولو هتبدأ من أول وجديد بتكون محدد معاه كل خطوة، وتنزل معاه تشتري الأدوات اللي هتستخدمها، وتتأكد إن كل خطوة تمت زي ما أنت عايز.. متقبلش بأي بدايل.

  • السيراميك

بُص بقى يا برنس.. أولًا عليك وعلى الأوكازيونات اللي بتعملها شركات السيراميك كل 6 شهور، تابع أول بأول، وروح واختار والحاجة كويسة وأسعارها بتكون أفضل من الأوقات العادية.. غير كدا فيه أكتر من سوق للسيراميك أشهرهم بتاع ترسا في الهرم، وكمان مش لازم تجيب فرز أول.. فيه حاجات فرز تاني بتبقى كويسة.

  • الدهانات

يُفضل تكون مختار اللون من مواقع شركات الدهان ومتخليش الصنايعي يقولك هأعمهولك أنا عشان هتلاقي النتيجة سيئة، وكمان اوعى تسترخص في حاجة زي كدا، لأن فيه دهانات لما ببتقع صعب تنضفها وهتضطر تدهن تاني عشان الحيطان يبقى شكلها كويس. واختار دايمًا ألوان مُريحة للأعصاب زي الأزرق ودرجاته.

  • العفش

في البداية حدد الأولويات، والرفايع خليها بعدين، وخليك عملي في اختيار العفش.. انزل بُص في أكتر من مكان، فيه معارض كتيرة خاصة في مدينة نصر، وطبعًا الأماكن المشهورة زي (إن أند أوت، أيكيا) واسأل على صنايعية كويسين يقدروا يعملو الشغل اللي انت عايزه وشوف الأسعار المناسبة ما بين الجاهز واللي هيتعمل.

Comments

comments

عن El-Omda

El-Omda
العمدة..صديقنا الصدوق اللي بيكتب في كل المواضيع اللي تهمنا

شاهد أيضاً

اجهزة كهربائية

اجهزة كهربائية – احسن الأجهزة الكهربائية اللي تشتريها لبيتك

الجواز في المجتمع المصري ليه عرف متبع العيلتين بتتجمع وقبل قرأت الفاتحة بيتفقوا مين عليه …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *