الرئيسية / العلاقات / إزاي تقدر توفَّق بين مراتك وقعدتك على القهوة ؟
القهوة

إزاي تقدر توفَّق بين مراتك وقعدتك على القهوة ؟

المعادلة طبعًا صعبة لعشاق قعدة القهوة لكن طالما دبست نفسك في جوازة وبيت يبقى لازم تحاول توفَّق بين مراتك وقعدتك على القهوة وده أحسن لك يعني، مش هقولك ماتقعدش على القهوة أو افضل لازق جنب مراتك بس الحلول ممكن تكون أبسط من كده.

1- ناقش مراتك:

المناقشة مش إنك هتقولها دي القهوة اللي هي كل حياتي وإدماني إلى آخره .. لأ، انت تناقشها بأسلوب لطيف وتفهمها إن هي أهم حاجه عندك وأهم حاجه رضاها وإنها مينفعش تكون زعلانة منك عشان أي حاجة كبيرة أو صغيرة.

كده انت ثبتتها .. تقدر بعدها تشوف هي بتتضايق من قعدتك كل يوم على القهوة ولا لأ، طبعًا هتكون متضايقه بس بما إنك ثبتتها بكلام حلو فهتلاقى المناقشة ماشيه كويس جدًا، دلوقتى تقدر تشوف معاها حل مناسب، يعني مش شرط كل يوم قهوة اتفق معاها إنك هتنزل القهوة يومين مثلًا في الأسبوع لو رضيت كان بها مارضيتش خليها يوم واحد في الأسبوع يا سيدي ماهي مراتك وليها حق عليك.

2- أديها حقها (ابسطها تبسطك):

الست عمومًا بتحب إحساس إنها أهم واحده في الكوكب بالنسبة لك، فانت لو حسستها فعلًا الاحساس ده واديتها حقها بجد هتلاقيها بتتحرج أصلًا تقولك قهوة لأ.. جرب مثلًا تخرجها مرة كل أسبوع أو كل أسبوعين، هاتلها هدايا بسبب ومن غير سبب حسسها إنها ملكة جمال العالم .. الحاجات دي مش سهلة على فكرة لكن برضو مش صعبة .. الستات مينفعش معاهم جو أنا كده واضربي دماغك في الحيط.. كده انت بتسوِّد حياتك وبتخربها .. خدها قاعدة (ابسطها تبسطك).

3- ماتأفورش:

مش معنى بقى إن انت ثبتتها بكلمتين وبتجيب لها كم هدية إنك تأفور في نزول القهوة، لازم تلتزم بيومين في الأسبوع ده بالكتير عشان متحسسهاش إنك بتسكتها باللي بتعمله وإنه مش من باب الحب، وعمومًا لو بينكم توافق وحب انت من نفسك هتبقى حابب تقعد معاها مهما العشرة زادت بينكم.

4- خليك فاكرها:

وانت راجع من القهوة ممكن تفاجئها ببوكيه ورد، شيكولاته أو أي حاجه بسيطة تكون بتحبها، مش شرط كل مرة بس هتفرق جدًا حتى في علاقتكم.

ازاي تحطها في الفريندزون؟

Comments

comments

عن Amal Afifi

شاهد أيضاً

ممارسة الجنس

5 حاجات إبعد عنهم بعد ممارسة الجنس عشان تحصل على أفضل النتائج

مفيش شك إن ممارسة العلاقة ليها دور كبير في السعادة الزوجية و كمان المداومة على …