الرئيسية / الاكل / مخ القرد وبسكويت الدبابير ..تعرف على أغرب 5 أكلات حول العالم
أكلات

مخ القرد وبسكويت الدبابير ..تعرف على أغرب 5 أكلات حول العالم

كلنا في أكلات بنحبها و بنكرهها بس و الله بعد الكلام اللي هتقرأه في المقالة دي هتعرف أنك في رحمة و هتحب كل اللي كنت بتكره

1-مخ القرد

تخيل أنك تاكل مخ القرد النيي قد أيه هتبقي شايفها حاجة مقرفة بس أصلا مش هتعرف تاكلها عشان بتعتبر  من الأكلات الغالية فشخ في الصين وأفريقيا وجنوب آسيا وتقدم للأثرياء حول العالم، وبتتاكل من رأس القرد مباشرة بعد ما بيقطعوا جمجمته بأداة حادة، فهم يعتقدون أن هذه الوجبة تمنحهم قوة جنسية خارقة.

 

2-وجبة عيون السمك  

 المطاعم في اليابان بتقدم وجبات غريبة جدا و من أشهر الوجبات دي وجبة عيون سمك التونة ، ويتم طهي عيون أسماك التونة حيث يتم غليها وإضافة مجموعة من التوابل الشهية التي تكسبها اللون البني الداكن والرائحة الغريبة للغاية عشان تعرف بس عيون السمك اللي رمتها في حياتك كان ممكن تفتح بيها محل و تكسب من وراه يا بائس .

3-بسكويت الدبور المقرمش

وده يا سيدي عبارة عن بسكويت لذيذ لطيف محشو بالدبابير يعني تاخد القطمة كدة معاها دبور كدة تسلك بيه سنانك و ده بقي تقدر تشتريه من مدينة أوماتشي على بعد حوالي 100 ميلاً خارج طوكيو و لو رجعت سليم أبقي قولنا إحساسك إيه يا بطل 

4-شوربة السلاحف 

بص بقي يا سيدي شوربة السلاحف دي بتتكون من لحم سلاحف مش محتاجة شرح ، وغالباً تكون من السلاحف الصينية الناعمة والسلاحف الخضراء والسلاحف النهاشة و متسألش أيه الفرق عشان و الله ما أعرف.
ويعتبر هذا الطبق من أشهر الأطباق الصينية التي تحتوي على قيمة غذائية عالية ومذاق مميز، وفاتح للشهية أنت متخيل أن السلاحف فيها كل ده.
و تناول الشوربة دي يعتبر غير قانوني إذا تم استخدم لحم السلاحف النادرة أو المهددة بالانقراض. 
يعني مش كفاية أن السلاحف بطيئة و بائسة لا كمان بياكلوها الدنيا خلاص مفيهاش أمان

5-الرتيلاء المقلي

 

أوعي تفتكر أن دي أكلة عادية يعني لا يا حبيبي الرتيلاء المقلي هو نوع من أنواع العناكب كبيرة الحجم ذات الشعر التي يتم قليها. 

بس يا سيدي هي دي الأكلة طبق زي ما أنت شايف في 3 عناكب مقلية بشعرها مع صوص كدة عشان يخففلك الطعم لو مضايقك بسم الله ما شاء حاجة في منتهي القرف 

 

Comments

comments

عن Ibrahim Hamza

شاهد أيضاً

بحه

لو ماأكلتش في بحه يبقى فايتك كتير.

الفكرة مش إنه مطعم والسلام، بحه ده تاريخ، جو ومكان ونجاح واستمرارية غير طبعًا الأكل …