الرئيسية / الخروجات والفسح / لو هتروح دهب.. لازم تعدي على الأماكن دي
دهب

لو هتروح دهب.. لازم تعدي على الأماكن دي

دهب بقيت السنين الأخيرة محط اهتمام كل الناس اللي حابه تسافر مكان تفك دماغها وتفصل عن الشغل والحياة هنا في القاهرة، بحر بقى وجو حلو وعيشة تِفتح النِفس. ودي حقيقة جدًا لأن دهب مكان عظيم للفسحة المهم تقعد مش أقل من أسبوع.. وعشان تقضي الوقت دا وانت مستمتع.. احنا هنرشحلك أماكن تروحها وأنت في دهب.

1- الفرايداي ماركت
دا ماركت بيتعمل في دهب كل يوم جمعة، الناس اللي ساكنة هناك من الأهالي أو الأجانب هما اللي بيعملوا كل أنواع الأكل بنفسهم، ثم بيبعوه للزوار، وهناك كمان مش هتلاقي أكل بس.. لكن هتلاقي اكسسوارات تقدر تشتريها وبأسعار لطيفة جدًا.

2- الشعب المرجانية
مينفعش تروح دهب من غير ما تطلع رحلة في البحر وتشوف الشعب المرجانية قُرب شاطيء اللاجونا والنابليون ريف.. وعايز تغطس هناك هتبقى فرصة عظيمة إنك تجرب حاجة جديدة وممتعة.

3- منطقة الكيفز
هناك تعمل سنوركلينج وتدخل تشوف الكهوف اللي تخت الشط ومليانة عدد كبير من الأسماك المتنوعة والشعب المرجانية وحاجة أخر آلاجة.

4- جبل الطويلات
دي بقى يا برنس منطقة تروحها مع حبيبتك أو صحابك تعمل سهر بدوية وتتعشى عشوة معتبرة بدوي وغنا ورقص واستمتاع السنين.

5- الثري بولز
دي بقى يا سيدي حمامات سباحة طبيعية من مية البحر اتعملت من الشعب المرجانية، تنزل فيها وتنسى كل مشاكلك في الحياة المية هناك عظيمة.

6- وادي جني
دي منطقة سفاري، هتقعد وسط الصحراء، جو قريب من جبل الطويلات، وهو كمان ممتع جدًا.

7- محمية رأس أبوجالوم
لأن دهب مكان فيه أكتر من منطقة للتخيم، هتلاقي كمان محمية رأس أبوجالوم، تروح هناك وتقضي يوم في غاية الانبساط، وتسهر هناك وتعيش.

Comments

comments

عن El-Omda

El-Omda
العمدة..صديقنا الصدوق اللي بيكتب في كل المواضيع اللي تهمنا

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إشترك معانا يوصلك كل خبر جديد