الرئيسية / BuzzRamet / كشري أبو طارق يفتح فرع جديد في دبي و يستعد لفرع تاني في لندن
كشري أبو طارق

كشري أبو طارق يفتح فرع جديد في دبي و يستعد لفرع تاني في لندن

كشري أبو طارق هيفتح في دبي!

كشري أبو طارق
من النهاردة كل المصريين اللي ساكنين في دبي هياكلوا كشري و يحسوا إنهم في مصر و مش هيحسوا بغربة الأكل المصري
و فرع دبي مش هو الأول خارج مصر لإن أبو طارق فتح فرع قبل كده في السعودية (فرع في جدة و الفرع التاني في مكة)
الفرع هيكون في مدينة “البشرة” في دبي و أكد ابو طارق إنه هيحافظ على النكهة الأصلية بتاعته و مش هيغير فيها، و كمان هيحافظ على وجود المهلبية و الرز بلبن.
و العاملين هناك في المطعم مصريين و اتدربوا لمدة شهور على إيد الشيف العام، و كمان هيحافظ على الأسعار المعقولة زي ما الطبق في مصر بيتكلف 7 جنيه و في السعودية 7 ريال.
ده غير إنهم بيسعوا لافتتاح فرع تالت مخصص للعائلات في شكل فندق فاخر في السعودية تحديدا في “شارع الأمير سلطان في جدة” و ده بسبب إقبال الناس على الفروع بتاعتهم و الزحمة من المواطنين المصريين و غيرهم كمان من الجنسيات التانية
و المفاجأة كانت إنهم بيسعوا لافتتاح فرع في “لندن” في إنجلترا بعد ما يتم افتتاح فرع دبي و ناويين يتوسعوا عالميا مش في الدول العربية بس.
و كتير من الناس بيستغربوا رفض أبو طارق إنه يفتح فرع جديد جوا مصر و السبب في رفضه إنه بيحب يشرف على الأكل بنفسه و يراقب جودته عشان كده بيهتم إنه يكون موجود في فرع وسط البلد باستمرار
و طموح أبو طارق هو اللي وصله من و هو صغير لكل الانتشار الكبير ده، فبدأ بعربية كشري زمان قبل مايكبر و دلوقتي طموحه وصله للعالمية و خلاه يكون علامة مميزة في الأكل الشعبي المصري مش بس في الوطن العربي لكن كمان قريب في البلاد الأجنبية و العالم كله.

أفضل مطاعم أكل حراق في مصر

Comments

comments

عن Nermein Qenawy

شاهد أيضاً

دوري أبطال أوروبا

تعرف على قرعة دوري أبطال أوروبا .. ومواجهة سهلة لصلاح

أجريت بمدينة نيون السويسرية قرعة الدور ثمن النهائي لبطولة دوري أبطال أوروبا 2017، والتي أسفرت عن مواجهة …