الرئيسية / BuzzRamet / خمسة اشياء يخاف منها الرجال

خمسة اشياء يخاف منها الرجال

الناس في العموم بيخافوا من حاجات كتير جدًا، لكن الرجالة فيه جُمل أو مواقف بعينها أول ما بتحصل بيحسوا بخوف حقيقي.. هنقولك أشهرهم حالًا:

  1. كلمت ماما عليك

لما تكون مرتبط بواحدة، أو لسه جَر كلام بس محددتش موقفك، أو ناوين تاخدوا خطوة رسمية بس لسه مأجلنا شوية، وتلاقي البنت بتقولك أنا كلمت ماما عليك، دي لحظة حاسمة في العلاقة، اللي قبلها حمادة، واللي بعدها حمادة تاني خالص.

  1. تغيير الحلاق

فيه عقدة عند كل راجل من الحلاقين، بتقعد وقت طويل لحد ما ربنا يكرمك بحلاق كويس يفهم دماغك وبتطلع من عنده بأقل خساير ممكن، فبتكون تجربة مهببة لو لظروف ما اضطريت تغير الحلاق بتاعك.. هتطلع واحد تاني من عنده، لاما عيل صغير، لاما شكلك سيس.

  1. تشطيب شقة الزوجية

فيه بُع بُع اسمه الصنايعية، أول ما بتيجي تبدأ في تشطيب الشقة، دا لو قدرت تجبها أصلًا، هتلاقي كل الناس بتحذرك من الصنايعية وإزاي هيدبسوك في فلوس كتيرة وهيعطلوا شغلك ويسلموك متأخر.. إنت هتخاف وهتتعامل بنفسك وهتكتشف إن الموضوع أكبر منك وبيحصل فعلًا.

  1. تفقد أعز ما تملك

الرجالة بتخاف جدًا إنها تفقد شيء عزيز عليهم، سواء كلب أو عربية أو علاقة ما. لأنه عقلية الرجالة في أغلب الأوقات بترفض الخسارة والفقد.

  1. تحلق شنبها

فيه رجالة بتكره إنها تحلق شنبها، بتخاف إنها تضطر تعمل دا بسبب طبيعة شُغل او لو داخل جيش، أو تعنت من الأهل.

Comments

comments

عن El-Omda

El-Omda
العمدة..صديقنا الصدوق اللي بيكتب في كل المواضيع اللي تهمنا

شاهد أيضاً

الضعف الجنسي

اسماك غنية بالفسفور تساعد في علاج الضعف الجنسي

الضعف الجنسي مشكلة بتواجه كتير من الرجال الأيام دي و ده بيكون بسبب عوامل صحية …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *