الرئيسية / العلاقات / تجيب منين ميك أب هدية لمراتك
ميك اب مراتك

تجيب منين ميك أب هدية لمراتك

لو قررت إنك تتهور وتجيب ميك أب أو أي مستحضرات تجميل لمراتك في حاجة مهمة لازم تعرفها إن محلات آخر العنقود اللي أي حاجة فيها ب 2 ونص متنفعش لازم تجيب من محلات نضيفة وتكون حاجتها أصلية. علشان كدا هنوفر عليك الوقت وهنقولك إيه المحلات اللي تقدر تجيب منها حاجات حلوة وأصلية:

1- الصيدليات
زي العزبي وسيف كدا مثلا هتلاقي هناك أنواع لطيفة من الميكب اب وسعرها كمان مناسب ورخيص مش هتتعور جامد يعني.

2- سمير وليم
سمير وليم من أشهر الأماكن اللي بتبيع مستحضرات التجميل،هتلاقيه في المهندسين، مراتك هتتبسط أوي لو جبتلها شامبوهات وبلسم وكريمات للشعر من هناك. هتدفع جامد حبة لأن أغلب المنتجات عنده مستورد.

3- mazaya
دا اللي اسمه خراب البيوت المستعجل ويجوز تعلن إفلاسك، مزايا براند مشهور ليه أكتر من 15 فرع تقدر تروح فرع سيتي ستارز أو مول العرب. الميزة هناك إنك هتلاقي حد يساعدك في الاختيار الناس هناك متعاونة جدًا، جِبلها من هناك الروج “المط” هتفرح بيك، وحاجة كدا اسمها “كونتور” مش مهم تعرف بيتعمل بيه إيه، الروج بيوصل هنا لـ 180 جنيه فاعمل حسابك على مبلغ محترم لو كنت عايزة تجبلها حاجات كتير.

4- وجوه
طبيعي جدًا إنك أول ما هتدخل محل ميك أب بيبع الحاجات أصلية تتلخبط وتتلخفن بسبب أسماء الميك اب العجيب والماركات الكتير فحل كويس تخلي مراتك تقولك هي محتاجة ايه بالظبط أو أنت تحاول تعرف دا بصنعة لطافة.
وجوه فيها أكتر من 50 نوع وعلشان الدنيا تكون لطيفة ادخل على الموقع بتاعهم وشوف المنتجات علشان لما تروح تشتري عالطول، أو ممكن تطلب أون لاين.. وفي حاجات أساسية ممكن تجيبها زي المانيكير الأحمر لأنه أغلى عندها منك شخصيًا، والماسكرا، والبودرة.

5- فيكتوريا سيكرت
فيكتوريا سيكرت بالنسبة للستات حاجة أشبه بالسحر لو قررت إنك تجبلها حاجة من هناك ممكن تفضل أسبوع تسمع كلامك وتبطل نكد، البرفيوم واللوشن مهمين جدًا، أي ميكب أب من هناك بالنسبة ليها هيكون مهم جداً.

Comments

comments

عن El-Omda

El-Omda
العمدة..صديقنا الصدوق اللي بيكتب في كل المواضيع اللي تهمنا

شاهد أيضاً

حماتك

علاقات ـ حماتك مدوباهم اتنين! داخل على خطوبة ومش عارف هتعامل حماتك إزاي متقلقش بسيطة.

بتفكر كتير إنك تاخد الخطوة؟ حاسس إن إنت متردد فى القرار؟ عايز تتجوز البنت اللي …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *