الرئيسية / BuzzRamet / تتفاوض إزاي على مرتبك ؟

تتفاوض إزاي على مرتبك ؟

في أي تعاقد على شغل سواء كان ثابت أو شغلانة سريعة، هتلاقي دايمًا الممول أو صاحب الشغل بيحاول يديك أقل رقم ممكن، حتى لو فهمك إن دا أهم رقم عنده وإن المستقبل جميل وهبقى فيه أرقام أعلى وأعلى، أو يحسسك إنك مش جامد أوي، وفيه غيرك على الأبواب.. عشان كدا لازم تخلي بالك من شوية ملحوظات هيفدوك جدًا في التفاوض على مرتبك.

  • الثقة
    دايمًا ادخل أي مقابلة شغل بثقة في نفسك، مش عمياء طبعًا، بس جهز السي في بتاعك وقدراتك اللي بتعرف تعملها واتكلم عنها بهدوء تماما، وأي حاجة يكلموك فيها قولهم انك تقدر تعملها.
  • لو مبتعرفش
    لو زنقوك في أن فيه بعض الحاجات في الشغل إنت متعرفهاش، قولهم بثقة إنك ببتعلم بسرعة وعندك شغف تعرفها، ويلا بينا وانت جاهز
  • حجمك
    مهم تبقى عارف حجمك في السوق قبل ما تروح المقابلة، وتعرف سعر شغلك وجودته بيتدفع فيه كام، عشان متطلبش رقم أكتر ولا يدوك رقم أقل.
  • متقولش أنت
    هيتقالك تحب تاخد كام؟ دي هتبقى مصيدة يا برنس، لأنك ممكن تقول رقم قليل، فهيفطسوا العرض اللي كانوا هيقولولك عليه، أو تقول رقم كبير فتلاقي سخرية رخمة منهم.. قولهم أنا بحب اسمع العرض وأفكر فيه، مش أنا اللي أقول.
  • لو رقم قليل
    لو قالولك رقم قليل، ابتسم كدا، وقولهم رقم صعب جدًا، بعيد عن الحد الأدني لمرتبي، فشكرا على وقتكم وخلونا نتعاون في فرصة تانية.. متقعدش تفكر كتير.
  • لو رقم مناسب
    متبينش إنك مبسوط أوي، خُد ثانية كأنك بتفكر، وقول تمام معقول.
  • التفاصيل
    اتناقش معاهم في كل التفاصيل، بداية من أيام الشغل، مواعيد العمل، الإجازات، الشغل الإضافي إيه المقابل ليه، دورك تحديدًا في الموضوع.
  • العقد
    يُفضل جدًا إنه يكون فيه عقد مكتوب فيه كل التفاصيل وقيمة التعاقد، وشرط جزائي لو حد أخل بالموضوع، عشان الناس تكون ملتزمة معاك وأنت كمان تبقى كدا.

Comments

comments

عن El-Omda

El-Omda
العمدة..صديقنا الصدوق اللي بيكتب في كل المواضيع اللي تهمنا

شاهد أيضاً

دوري أبطال أوروبا

تعرف على قرعة دوري أبطال أوروبا .. ومواجهة سهلة لصلاح

أجريت بمدينة نيون السويسرية قرعة الدور ثمن النهائي لبطولة دوري أبطال أوروبا 2017، والتي أسفرت عن مواجهة …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *