الرئيسية / الشياكة والاناقة / بالصور – موضة ألوان ملابس شتاء 2018
موضة شتاء 2018

بالصور – موضة ألوان ملابس شتاء 2018

ملابس الشتاء نزلت في معظم المحلات و زي كل سنة بيكون في ألوان موضة و دارجة
شوف موضة شتاء 2018 و شوف أنهي أكتر الألوان اللي تليق عليك منهم:

1- الجملي

موضة شتاء 2018
اللون الجملي من أشيك الألوان الشتوية و بيليق على كل درجات البشرة، هتلاقيه بارز في شتاء 2018 بين أكتر الألوان موضة و انتشار بين الشباب و ميزته إنه كمان بيليق على ملابس الرجال الكبار.

2- الرمادي

موضة شتاء 2018
اللون الرمادي منتشر في الشتاء و ده بسبب إنه لون محايد و الدرجة الفاتحة منه بتليق على الأشخاص الرفيعين أو اللي جسمهم معتدل لكن للناس اللي وزنهم زايد هتكون الدرجات الغامقة من الرمادي لايقة عليهم أكتر و ده لإنها بتلم شكل الجسم و بتداري عيوبه. و كمان الرمادي من الألوان اللي بتليق على مختلف الأعمار و مش بيقدم كموضة للألوان باختلاف الزمن.

3- الكحلي

موضة شتاء 2018
من الألوان اللي مش بيروح عليها مهما عدى عليها الزمن و في نفس الوقت بتلم شكل الجسم و بتليق على كل درجات البشرة بس بتكون أفضل على الرجال و الشباب اللي بششرتهم قمحاوية أكتر من البشرة البيضاء.

4- الإسود ” Never gets old”

موضة شتاء 2018
الشتاء يعني ألوان غوامق و شياكة و لما نتكلم عن الشياكة في الشتءا لازم يكون عندك جاكيت أو أي حاجة من مشتقات الإسود
ببساطة اللون الإسود مش بتيروح عليه و هيفضل محتفظ بهيبته وسط باقي الألوان.

5- البيج و الزيتي و النبيتي

موضة شتاء 2018موضة شتاء 2018موضة شتاء 2018
ده ميكس ألوان كان منتشر في السنتين اللي فاتوا و اللون الزيتي هو اللي مكمل لشتاء 2018 برغم إنه اتكرر في شتاء 2017

و أهم حاجة دايما بنقولها: شوف أكتر ألوان بتحبها و لايقة على شخصيتك و إلبسها، و افتكر إن الموضة في الأصل احصائيات للحاجة اللي بيتفق عليها عدد كبير من الأشخاص و بالتالي بتظهر في الشوارع و أماكن بيع الملابس بغزارة و بينجذب ليها ناس كتير، و إنت عليك الاختيار.

10 نصايح لاختيار لبس الجامعة

Comments

comments

عن Nermein Qenawy

شاهد أيضاً

بدلة الفرح

أحسن محلات تجيب منها بدلة الفرح

ليلة الفرح من أهم لحظات حياتك، و عشان تكمل الشياكة في اليوم ده لازم تهتم …