الرئيسية / الصحة واللياقة / إزاي تواجه مشكلة الأرق؟
الأرق

إزاي تواجه مشكلة الأرق؟

للأسف بعضنا بيواجه مشكلة مستعصية في موضوع النوم،  مش بيعرف يستفيد من الوقت دا، بيقضي ساعات الليل في السهر والأرق، رغم إنه علميًا لازم الإنسان يأخد كفايته من النوم وهو 8 ساعات وفي أسوء الظروف ميقلش الوقت عن 5 ساعات. ولو قل عن كدا هنواجه لا قدرالله مشاكل صحية كبيرة. زي أمراض القلب والجهاز الهضمي. عشان كدا دي بعض الحلول اللي ممكن تفيدك جدًا في المشكلة دي.

1- مواعيد النوم
لغبطة مواعيد النوم بتأثر على الواحد وتخليه بعد كدا مش قادر يتأقلم على معاد ثابت، عشان كدا المحاولة الأولى إنك تثب معاد نومك.

2- تهيئة أوضتك للنوم
يعني مينفعش تنام في مكان مهرجل أو اللِبس في كل مكان، أو مفهوش إضاءة كويسة، وضبّ أوضتك، خلي سريرك متظبط، وبما إننا في الشتا انزل تحت بطانيتك. وقول سلام للأرق.

3- الإضاءة
تقلل الإضاءة أو تقفل النور، عشان تجهز جسمك لساعات الاسترخاء والنوم، بعض الناس مبيحبوش الضلمة، تقدروا تشغلوا مصدر للضوء من بره الأوضة، بحيث يدي إضاءة خفيفة وخافتة، أو تكتفوا بأباجورة فيه ركن من أركان الأوضة.

4- التلفون
مش محتاجين نأكد على إنك تقفل تلفونك أو تعمله في وضع “سايلن”، ونبعد عن مواقع التواصل الاجتماعي “فيس بوك” و”تويتر” وخلافه، لإن أي مصدر إضاءة في عينك هيكون منبه لعقلك وهيفسد أجواء النوم، غير أنه هيشغلك والوقت هيضيع وانت مش داري.

5- درجة حرارة الأوضة
درجة حرارة الأوضة مهمة جدًا، فيه دراسات فرنسية أكدت إن درجة الحرارة المثالية بتبقى ما بين 16 لـ19 درجة.

6- تنظيم النفس
تنظيم النَفس بطريقة صح لـ 5 دقايق، عن طريق سحب أكبر كمية من الهواء وحبسها لثواني ثم تطردها من الفم، هيساعد جدًا على الاسترخاء.

7- المنبهات
ابعد عن شُرب المنبهات زي القهوة والشاي والنسكافية والمشروبات الغازية من البيبسي وخلافه قبل النوم لأنه هتصعب الموضوع عليك.

Comments

comments

عن El-Omda

El-Omda
العمدة..صديقنا الصدوق اللي بيكتب في كل المواضيع اللي تهمنا

شاهد أيضاً

الزهايمر

الزهايمر – الساونا تقيك مخاطر الإصابة بالزهايمر

قالت دراسة تعتبر الأولى من نوعها إن هناك علاقة بين استخدام الساونا أو حمّام البخار …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *