الرئيسية / العلاقات / إزاي تجيب هدايا حلوة لحبيبتك من غير ماتبيع كليتك؟
هدايا

إزاي تجيب هدايا حلوة لحبيبتك من غير ماتبيع كليتك؟

عشان تجيب هدايا تعجب حبيبتك لازم تحسب لها كويس و تعرف هي بتحب إيه و تجيبه و ده بيختلف على حسب شخصية البنت و زوقها بس في حاجات متفق عليها بين الهدايا زي:
1- الورد “عايزة ورد يا إبراهيم”

هدايا
الورد في أي وقت و كل وقت لازم يكون ضمن أولوياتك في الهدايا (لو إنتوا متصالحين، متخانقين، جعانين) و مفيش بنت مش بتحبه
يعني لو كنت مزنوق في أي مناسبة و ماجهزتش هدية إعرف نوع الورد اللي هي بتحبه و اتكل على الله و يا سلام لو معاه جواب فيه كام كلمة رومانسية ممكن تقعد شهر كامل تحب فيك.
2- الفضة

هدايا هدايا
مفيش اتنين مرتبطين إلا و كانت الفضة هي التالتة بينهم و البنت بطبعها بتحب الإكسسوارات، هاتلها سلسلة و خاتم و قولها ماتقلعهمش و هي لو مش بتسمع كلامك في العادي هتسمع كلامك بس المرة دي.
3- الشوكولاتة

هدايا
معاك 300 جنيه محيرينك؟ اشتري بوكس نضيف و إملاه شوكولاتات و بونبوني و مفيش مانع من شوية جيلي كولا و الحاجات التافهة اللي بتحبها البنات دي و إديهم لحبيبتك.. هتقعد أسبوعين بتعاملك زي الملك لحد ما الشوكولاتات تخلص.
4- الهدايا الجديدة و ال trendy

هدايا
خليك مراقب السوشال ميديا و أي حاجة تطلع موضة زي وردة Beauty and the Beast اللي ظهرت فجأة إزاي سلمى صاحبتها تجيلها و هي لا؟ أو الشنط الصغيرة اللي بقت موضة بين البنات
ركز في الإشارات اللي هي بتحاول توصلهالك زي إنها تعمل شير لحاجة على الفيسبوك و تقول نفسي فيها و جنبها إيموجي وش و طالع منه قلوب.. دي رسالة ليك بس ماتركزش في كل الإشارات دي عشان بيتك مايتخربش.
5- الحاجات اللي هي محتاجاها

هدايا
أما تكون الهدية حاجة البنت محتاجاها بتكون أحسن بكتير من أي هدية غيرها، مثلا بمناسبة إن الشتا داخل و الهدوم بقت أغلى من اللحمة حوش و هاتلها بلوفر يدفيها بدل ماتقعد تقولك بردانة و تديها الجاكيت بتاعك و يجيلك نزلة شعبية تجيب أجلك.. جاكيت إيه اللي تديهولها ده إحنا داخلين على أيام سودة.

هدايا
في نوع تاني من الهدايا العميقة و ده بيجيب أكتر مع البنات العميقة أو المثقفة زي الكتب مثلا و الروايات لو هي بتحب تقرأ، و لو هي فنانة ممكن تخلي حد يرسمها في لوحة و دي بالنسبة لها هتكون أحلى من 100 هدية تانية.
و كده لو حبيبتك من أي نوع من اللي فوق هتعرف إزاي ترضيها من غير ماتصرف كتير.

طريقة مضمونة لفتح سكة كلام مع البنات

Comments

comments

عن Nermein Qenawy

شاهد أيضاً

ممارسة الجنس

5 حاجات إبعد عنهم بعد ممارسة الجنس عشان تحصل على أفضل النتائج

مفيش شك إن ممارسة العلاقة ليها دور كبير في السعادة الزوجية و كمان المداومة على …