الرئيسية / العلاقات / إزاي تتعامل مع غضبك؟

إزاي تتعامل مع غضبك؟

فيه مشاكل كتيرة الواحد بيدخل فيها بسبب غضبه، أول ما بتحصل حاجة بتخليك غضبان بتتحول لواحد تاني مش بيقدر يسيطر على نفسه بسهولة وبيعمل أي شيء مجنون في الوقت دا، والموضوع دا بيخليك تخسر ناس كتير أو بتطلع غلطان في الأخر أو بيأثر على صحتك، عشان كدا في حلول بسيطة لو عملتها هتساعدك كتير تتحكم في غضبك وتتخلص منها.

  1. الاعتراف

إنك تبقى عارف ومعترف بأنك بتغضب بسرعة، لأن فيه ناس بترفض دا، ومهما حد كلمها تقول لا مش حقيقي.. أنا كويس، بالعكس دانا بستحمل كتير. ودا غلط.. الاعتراف بالحق فضيلة.. فلو بينك وبين نفسك والناس قولت أنا فعلا عندي مشكلة مع الغضب دا بداية العلاج.

  1. الدعم

انت محتاج تبلغ كل اللي حوليك من المقربين إنك بتعاني من الغضب ومحتاج دعمهم وانت بتتخلص منه، عشان يساعدوك ويحمسوك للموضوع، وينبهوك في حالة الغضب عشان تلحق وترجع عنه، وطول الوقت يبقوا سند ليك في التجربة.

  1. هي الثقة في الأخرين

افتراض حسن النية دايما في أي تصرف حوليك، يعني لما يحصل أي تصرف مش طبيعي أو مش محسوب، بلاش تفتكر إن المقصود منه هو التقليل منك أو إنه معمول عشان يضايقك.. افترض حاجة كويسة واسمع دايما للناس وتفهم موقفك.

  1. اتعود إنك تسامح دايمًا

يعني مهما يحصل من أخطاء بسيطة ومش كارثية يعني، عود قلبك يسامح ويغفر، جرب دا واحدة واحدة ومع الوقت هتلاقي الدنيا بقيت أفضل ونظرتك للحياة مختلفة، وغضبك هيقل كتير عن الأول.

  1. الهزار

لو كنت من الناس اللي بيحب الهزار طول الوقت، فابعد عنه، لأنه أوقات كتير بيسبب مشاكل.

 

Comments

comments

عن El-Omda

El-Omda
العمدة..صديقنا الصدوق اللي بيكتب في كل المواضيع اللي تهمنا

شاهد أيضاً

دراسة مثبتة

دراسة مثبتة – على عكس الشائع – الرجل أكثر حنانا

الرجل رمزا للصرامة والقسوة والتعامل الخالي من العواطف، هذه الصورة النمطية للرجال في أذهان الجميع …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *