الرئيسية / الصحة واللياقة / إزاي تبقى “سمباتيك”؟

إزاي تبقى “سمباتيك”؟

احنا حاسين بيك، مدركين إن محفظتك مش هتستحمل إنك تدفع فلوس في جيم، وكمان غالبا مش هتكمل بسبب ضغوط ومواعيد شغلك، متقلقش هنجبلك الزتونة وهنقولك تعمل إيه علشان تشد جسمك وتتخلص من أي ترهلات او كلاكيع هنا ولا هناك، وتبقى سمباتيك“..

  1. أهم حاجة لازم تعرفها إنك متتعبش جسمك وتضغط عليه بتمارين تقيلة وصعبة، ابدأ معاه براحة خليه يستعد وكل يوم زود عدد مرات التمارين، لما هتضغط على جسمك عضلاتك هتتعب وهتزهق بسرعة والنتيجة هتكون عكسية.

  2. تمرين Pushup “الضغط” : دا تمرين مهم جدًا هيشد جسمك وخصوصا منطقة الصدر، لو عندك ترهلات في المنطقة ديه، التمرين دا هيقضي عليها.. التمرين دا تشوفه سهل تجربه تلاقيه صعب، علشان كدا هنقولك على نصيحة.

أول يوم هتعمل فيه التمرين دا تبدأ ب، 20 ثانية وتاني يوم 25ثانية وكل يوم زود 5 ثواني ولما تكمل دقيقة كاملة جيب لنفسك شكولاته بس ياريت تكون Dark chocolate سعراتها أقل.

  1. تمرين squat: أكيد سمعت الكلمة ديه كتير بس مفهمتش ‘يه التمرين دا، بكل بساطة هتقف بشكل مستقيم وتكون فارد جسمك كويس بحيث رجلك بعرض كتفك، تفرد إيدك لقدام وبعد كدا تنزل بحيث يكون ضهرك مستقيم، وتحاول تثبت في الوضع دا ثانيتين وتقف مرة كمان.

حاول تكرر التمرين دا 10 عددات مثلا، وخد بعدها بريك دقيقتين وكرر الجولة دي 3 مرات في كل مرة 10 عددات.

ميزة التمرين دا إنه هيشد جسمك كله وهتتخلص من الترهلات بسرعة وهتلاحظ النتيجة في أقل من شهر.

  1. الجري الخفيف: الجري الخفيف دا عظيم يا برنس، تقدر تعمل دا في المسافة اللي بين بيتك وبين أول وسيلة مواصلات بتركبها لشغلك.. 20 دقيقة من الجري الخفيف هتنشط الدورة الدموية، هتتخلص من الدهون، هتعلي حرق جسمك طول اليوم، هتشد جسمك وبطنك خصوصا ومنطقة الأرداف.

  2. المياة : نحب نقولك إن شرب 3 لتر حاجة مهمة جدًا

  3. المشي: امشي دايمًا على قد ما تقدر.. المشي مش مرهق ومفيد جدًا.

  4. المشروبات الغازية.. وقفها فورًا، واستبدلها بمشروبات طبيعية أو كُل فاكهة أحسن.

  5. نصيحة عزمي.. افتكر دايمًا جملة إبراهيم نصر في اكس لارج: “بص من الآخر الستات يخلفوا ويضربوا ويفنشروا لكن ما يهمهومش غير الراجل السمبتيك” 😀

 

Comments

comments

عن El-Omda

El-Omda
العمدة..صديقنا الصدوق اللي بيكتب في كل المواضيع اللي تهمنا

شاهد أيضاً

صحة

صحة – لماذا يجب ان تتوقف عن تناول الموز صباحا؟

إصبع واحد من الموز يمدك بالطاقة اللازمة لممارسة تمارينك الصباحية دون الحاجة إلى تناول وجبة …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *