الرئيسية / الخروجات والفسح / أفضل 5 أماكن سفر في الشتاء
الشتاء

أفضل 5 أماكن سفر في الشتاء

موسم الشتاء قرب يدخل و ماينفعش يعدي عليك الشتا غير لما تسافر و تقضي أسبوع أو أسبوعين في مشتى
و عشان تقضي الأسبوع ده تمام لازم تشوف الأماكن الجاية دي:

1- أسوان

الشتاء
لما تفكر في المشتى أول بلد هتيجي في بالك هي أسوان و ده عشان هي من المحافظات المشهورة بارتفاع درجة الحرارة الصبح بنسبة أكبر من محافظات الوجه البحري، ده غير إنها مليانة أماكن سياحية و فنادق مشهورة و مناظرها الطبيعية الجميلة و خصوصا النوبة اللي فيها أحلى بيوت و شوارع ممكن تشوفها و أهلها طيبين يعني لو توهت هناك هتلاقي ألف مين يساعدك بدل الواحد، و الجو هيخليك تفصل من دوشة الحياة العملية و ترجع من الأجازة مستعد للشغل تاني.

2- السويس

الشتاء
السويس من المحافظات المشهورة بالدفا لإن موقعها على البحر الأحمر و ده بيخليها متميزة في الشتا و بتجذب الناس ليها عشان مصاريفها مش غالية زي القاهرة و كمان مواصلاتها سهلة و تعرف تروحها بالقطر أو من مواقف المحافظات
و أشهر الأماكن السياحية هناك :
عيون موسى
من أجمل المناظر الطبيعية و بتطل على ساحل خليج السويس مباشرًة و بتقع بين السويس و راس سدر جغرافيا.
العين السخنة
من أشهر المصايف و المشاتي في مصر و ده بسبب البحر الأحمر النقي اللي عشانه بيروح الناس في الصيف و لو رحتها في الشتا هتستمتع بالتخييم بقرب من الجبال و منظر النجوم.

3- دهب

الشتاء
جملة “اللي يروح دهب مرة لازم يرجعلها” مش من فراغ و على عكس المعروف إن دهب بيسافرلها الناس في الصيف و يستمتعوا بالغطس في البحر الأحمر و التصوير في الأماكن الملونة هناك
لو روحت دهب هتلاقي معظم اللي هناك شباب و بتكون زخمة في الصيف على عكس الشتا هتلاقيها هادية و الزحمة قليلة و هتستمتع بالسفاري و تشوف أجمل منظر للنجوم ممكن تشوفه في حياتك بالليل بس لازم تسافر في وسط لمة عشان تستمتع بكل ده.

4- الغردقة

الشتاء
من أجمل المدن السياحية في مصر و مؤخرا بقت تجذب المصريين بالذات لما أسعار السياحة نزلت و بقى من الممكن إنك تستمتع هناك في بعض الفنادق بأسعار مقبولة
أكتر مكان مشهور هناك الممشى المليان محلات مختلفة و المرينة الجديدة.

5- شرم الشيخ

الشتاء
أشهر الأماكن فيها “خليج نعمة” المتميز بجمال الطبيعة فيه و المناظر الخلابة و كمان السفاري اللي هتستمتع بيها في وسط الرملة الناعمة و الجبال
و لو فرحك في الشتا ممكن تقضي شهر العسل مع عروستك هناك.

5 أماكن خروج جديدة في مصر 

Comments

comments

عن Nermein Qenawy

شاهد أيضاً

قهاوي وسط البلد

أشهر قهاوي وسط البلد تقضي فيها يوم الخميس مع الرجالة

قعدة القهوة أساسية في حياة أي راجل، معاك فلوس بتروح و لو مش معاك فلوس …