الرئيسية / الاكل / أغرب أكلات الصعيد

أغرب أكلات الصعيد

قرى الصعيد في مصر مشهورة بالأكل الأصيل اللي مليان بركة و ده عشان بيتعمل من الخضروات المزروعة من غير كيماويات و معظم مكونات الطبخ بتتعمل بطريقة طبيعية زي السمنة البلدي و الزبدة غير العيش الشمسي اللي بيتخبز في الفرن البلدي أو الفرن الحديد
ده غير إن في شوية من أكلات الصعيد مش مشهورة و بتتعمل غير في الصعيد زي الأكلات الجاية دي:

1- الجلاب

أكلات الصعيد

الجلاب أو “قمع العسل” هو نوع من الحلويات بيتعمل من القصب لما بيتحول عسل إسود، و طريقته إنهم بيحطوا العسل الإسود في إناء نحاسي و يسيبوه يغلي على النار شوية و بعدها يحطوا عليه كربونات عشان قوامه يتماسك، و بيتم تفريغه بعدهل في قوالب فخارية اسمها “جلاب” و يسيبوها تنشف في الشمس.
أكتر محافظة مشهورة بيه هي قنا و بيتصنع هناك و يتوزع على باقي المحافظات التانية.

2- المخروطة

أكلات الصعيد
المخروطة الصعيدية هي نوع من الحلويات الصعيدي و بتتكون من دقيق و بيض و فانيليا و شربات بس
طريقتها إن البيض بيتحط و عليه الفانيليا و رشة الملح و بعدها يتحط عليه الدقيق و بعد ما يتعجن بتتفرد العجينة و بعدها تتقطع شرايط رفيعة و بتتسوى على البخار و أما تنضج العجينة بتتحط في صينية و عليها سمنة بلدي و تتساب في الفرن لحد ما تتحمر و بتتحلى بالشربات أما تخرج من الفرن.

3- البامية الويكا

أكلات الصعيد

أكلات الصعيد
العيش الشمسي

الويكا من أشهر الأكلات الصعيدية و طريقتها إن البامية الكبيرة بتتقطع شرايح و تغلي في الشوربة على النار لحد ماتستوي و بعدها بتتفرك “بالمفراك” الصعيدي أو بالمضرب عشان تتحول لحساء قوامه شبه الملوخية و بعدها يتحط عليها طشة التوم و كده تكون جاهزة و بتتغمس بالعيش الشمسي.

4- العجين المخبوز

أكلات الصعيد
بيتكون من بواقي عجينة العيش البيتي و بيتضاف عليه بيكينج باودر و لبن حليب و سكر و يدخل الفرن من 15 ل 20 دقيقة و أما بيطلع من الفرن بيكون شبه الكيكة لكن طعمه مختلف.

5- الشلولو

أكلات الصعيد
من الأكلات المش مشهورة كتير لكنها محبوبة في الصعيد و طريقتها: بنحط شوية ملوخية ناشفة و عليها كباية مياه ساقعة و معاها معلقة توم مفروم و نص بصلة صغيرة مقطعة ناعم و التوابل شطة و كمون و ملح، و بتتاكل ساقعة.

كشري أبو طارق يفتح فرع في لندن

Comments

comments

عن Nermein Qenawy

شاهد أيضاً

أكلات

مخ القرد وبسكويت الدبابير ..تعرف على أغرب 5 أكلات حول العالم

كلنا في أكلات بنحبها و بنكرهها بس و الله بعد الكلام اللي هتقرأه في المقالة …