الرئيسية / الخروجات والفسح / أشهر قهاوي وسط البلد تقضي فيها يوم الخميس مع الرجالة
قهاوي وسط البلد

أشهر قهاوي وسط البلد تقضي فيها يوم الخميس مع الرجالة

قعدة القهوة أساسية في حياة أي راجل، معاك فلوس بتروح و لو مش معاك فلوس بتروح برضو

و القهاوي يعني وسط البلد.. شوف أشهر القهاوي في وسط البلد و مميزات كل واحدة فيهم:

هنبدأ بالتكعيبة

قهاوي وسط البلد

التكعيبة من أشهر القهاوي هناك و من مميزاتها إنها كبيرة و مشاريبها معقولة.

عنوانها: شارع النبراوي – وسط البلد.

زهرة البستان

قهاوي وسط البلد

القهوة دي في ممر جانبي و هي واخدة الممر كله، مشهورة بإنها ديوان المثقفين و الأدباء و الشعراء زمان زي نجيب محفوظ اللي كان بيعمل فيها ندوة كل يوم تلات و كمان علاء الأسواني و غيرهم من الشعراء التانيين زي أمل دنقل و أحمد عبد المعطي حجازي.

و هي من القهاوي اللي قعدتها حلوة و أسعارها رخيصة.

عنوانها: 1 شارع البستان السعيدي متفرع من شارع صبري أبو علم – ميدان طلعت حرب – وسط البلد.

الحرية

قهاوي وسط البلد

قريبة من زهرة البستان و قعدتها واسعة و مريحة بس لو معاك بنات إبعد عن القهوة دي بالليل عشان مسموح فيها بتقديم الخمور و ممكن تلاقي حد جنبك بيشرب عادي.

عنوانها: 2 شارع المظلوم متفرع من شارع باب اللوق – ميدان الفلكي – وسط البلد.

الندوة الثقافية

قهاوي وسط البلد

عنوانها: 35 شارع الفلكي – باب اللوق – وسط البلد.

الخن

قهاوي وسط البلد

عبارة عن ممر ضيق و فيه كراسي و ترابيزات، و برغم إن مكانها ضيق جدا بس لو رحتها مرة هتحب تروحها كتير لإنها هادية و أسعارها في المعقول زي باقي القهاوي.

عنوانها: 10 شارع النبراوي متفرع من شارع شامبليون – وسط البلد.

صالح

قهاوي وسط البلد

القهوة دي مكانها سهل و هتلاقيها مليانة فئات مختلفة من الشباب و البنات بس مشاريبها مش حلوة أوي.

عنوانها: شارع شامبليون قدام قصر شامبليون – وسط البلد.

ميزوة كل القهاوي دي إنك هتلاقي معظم الناس اللي بيقعدوا في محيطها عارفين بعض و لو حتى بالشبه و ده اللي بيميز قهاوي وسط البلد عن غيرها من القهاوي في شوارع مصر.

لو فرحك في الشتا – قضي شهر العسل في جزر المالديف

Comments

comments

عن Nermein Qenawy

شاهد أيضاً

جزر المالديف

لو فرحك في الشتا – قضي شهر العسل في جزر المالديف من غير تأشيرة

مين مابيحلمش يسافر المالديف! انتشرت صور الطبيعة الجميلة لجزر المالديف في السوشال ميديا و ده …