الرئيسية / الاكل / أجمل ديلفري في مصر

أجمل ديلفري في مصر

فيه ناس كتير بتهتم إن الديلفري يكون سريع، وبيتعاملوا دايمًا مع المطاعم القريبة منهم، وبيحاولوا يجيبوا أكلات مفيهاش مغامرة كبيرة عشان أغلب الديلفري بيكون فيه مشكلة.. احنا هنا هنقولك وعن تجربة عن اجمل ديلفري في مصر.. الأكل الحلو الطازة اللي بيجي في وقت معقول.

  • كابر صبحي

أيون يا برنس.. لو انت في أي حتة هيجيلك عادي جدًا، والديلفري هيكون أغلى حبة بس مش كتير، وتقدر تطلب من أي مكان وعندك قايمة طعام عظيمة بقى من الكفتة والطرب للملوخية للمكرونات وللفراخ للمحاشي لأي حاجة تيجي في بالك.

  • كشري أبوطارق

لو كنت من عشاق الكشري، وبتحب أبوطارق، الأول كان لازم تروح وسط البلد عشان تأكل، بس هو عمل ديلفري من فترة، وبقى ممكن تأكل في البيت.

  • ماجيستك

يعني المكرونات العظيمة، الباشميل الزيادة والجبنة على الوش، يعني جميع أنواع البيتزا والفطائر بس حاجة أخر وصاية.. تأكل وتشبع وتتبسط.

  • أبويوسف

لو كنت من سكان أو اللي شغالين في منطقة المهندسين، فيا هناك يا سعدك بمطعم برنس زي “أبوسيف”، أكلات مختلفة وحلوة جدًا ودسمة وفي نفس الوقت الأسعار في متناول اليد مش أوفر أبدًا.

  • ابن حميدو

في مساكن شيراتون فيه أسطورة في الأسماك اسمه “ابن حميدو”، اطلبه مش بياخد وقت كبير، واستطعم سمك مقولكش بقى.. فسفور فسفور يا معلم.

Comments

comments

عن El-Omda

El-Omda
العمدة..صديقنا الصدوق اللي بيكتب في كل المواضيع اللي تهمنا

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *