الرئيسية / الاكل / أجمد 5 محلات كشرى في مصر

أجمد 5 محلات كشرى في مصر

طبعًا مصر مشهورة بأكلة الكشري، تروح أي دولة بره يقولك إن دي الوجبة الأشهر عند المصريين، عشان كدا مفيش أكتر من محلات الكشري في مصر.. احنا بقى هنقولك على أشهر المحلات دي.

  1. أبوطارق (وسط البلد)

فيه ناس هتقولك دا عادي وسُمعة على الفاضي، سيبك منهم، روح وجرب، هتدوق أطعم طبق كشري في المحروسة.. وخلي بالك نظام الدفع هناك مقدمًا، ودلوقتي بقى الطبق بـ 10 و15 فيما فوق.. ومتنساش تحلي فيه رز بلبن لطيف جدًا.

  1. أبوسليمان (العتبة)

هو مش كُشري أوي بس بيجي برده في سكتنا، لأنه بيعمل طبق مكرونة محصلش، تقدر تروحله جنب ميدان الأوبرا بالعتبة، المكان صغير وزحمة، بس أكله لا يُعلى عليه، وممكن تحلى بعد ما تخلص من بيدقهتلاقي كل أنواع الحلويات اللي قلبك يحبها.

3-الزعيم (عبود)

طبعًا الراجل دا له فروع في أكتر من مكان، لكن اللي في عبود دا برنس في نفسه، وبيتوصى في الأكل بتاعه وأسعاره لطيفة جدًا.

  1. حمادة (جامعة الدول)

كُشري ليه سمعته، الطعم مميز، والتحابيش متظبطة، الرز كتير والعدس وصاية، ولو إنت في المهندسين هيكون أسرع دليفري يجيلك في المطاعم اللي حوليك.

  1. أبوعماد (الجيزة)

مينفعش تعدي على ميدان الجيزة من غير ما تحود على أبوعماد، واحد من علامات الكشري في مصر.. روح جرب وادعلنا.

Comments

comments

عن El-Omda

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *